Mañá ás 21.30h o Teatro Municipal de Tui acolle “Nacidas Libres” de Contraproducións
O Teatro Municipal de Tui acolle mañá venres, 17 de novembro, ás 21.30h a Contraproducións de Vedra coa obra “Nacidas libres”.
Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Teatro Municipal de Tui acolle mañá venres, 17 de novembro, ás 21.30h a Contraproducións de Vedra coa obra “Nacidas libres”.
Tui oferta 16 visitas guiadas temáticas durante os meses de novembro e decembro, continuando así os percorridos culturais gratuítos que se iniciaron no verán organizados polo Concello de Tui e nos que levan participado máis de 3 mil persoas.
O acoso escolar é o tema que aborda a proposta teatral que este sábado, 11 de novembro, ás 19h, chega ao Teatro Municipal de Tui da man de Redrum baixo o título de “A nena que quería navegar”.
Laura Míguez, Guillermo Carbajo e Carlos Álvarez-Ossorio conforman o elenco dirixido por Álex Sampayo nunha obra está recomendada para público familiar dende os 4 anos.
Este venres o Teatro Municipal de Tui acolle dobre función de “Redondo” unha obra de teatro para bebés que chega da man de Caramuxo Teatro. A cita será ás 17.30h e ás 19h estando limitado o aforamento a 100 espectadores por función, xa que sentarán no propio escenario. A obra está recomendada para nenos de 6 meses a 3 anos.
O público familiar é o destinatario do espectáculo “Outono” que a compañía de novo circo galego Pista Catro presenta mañá sábado no Teatro Municipal de Tui ás 19h. Co mesmo están a celebrar os seus dez anos en escena. Para iso reuniron a parte dos seus fundadores, cunha homenaxe aos pallasos clásicos. A proposta desenvólvese na carpa dun circo e reflexiona sobre o paso do tempo.
Logo do éxito colleitado na Coruña, Vigo e Santiago mañá venres chega a Tui "Elisa e Marcela", a última montaxe de A Panadaría.
Baixo a dirección de Gena Bahamonde as actrices Areta Bolado, Noelia Castro e Ailén Kendelman dan vida a Elisa e Marcela o primeiro matrimonio homosexual en Galicia. Casaron o 8 de xuño de 1901 e para logralo Elisa tivo que se transformar en Mario. A súa é unha historia de transgresión, de desafío ás regras do binomio de xénero, de defensa dos seus dereitos…
O luns 30 e o martes 31 de outubro tudenses e visitantes poderán coñecer un pouco máis o patrimonio e a historia da cidade ligada á Inquisición coas dúas visitas guiadas temáticas programadas para estas dúas xornadas. Sairán os dous días ás 20.15h da praza da Inmaculada sendo guiadas polo historiador tudense Suso Vila. O percorrido, gratuíto, durará aproximadamente unha hora.
Luns 30 Visita guiada aos Sambenitos Inquisitoriais
Ata este sábado, 28 de outubro, a Biblioteca Municipal de Tui, leva a cabo a iniciativa “Libros por alimentos” coa colaboración de SOS Tomiño Baixo Miño. Trátase do intercambio de libros por alimentos non perecedoiros destinados á asociación asistencial que presta atención en Tui, Tomiño e O Rosal. A iniciativa está a contar cunha boa acollida por parte do público que xa aportou leite, azucre, fariña, cacao, a cambio dun libro. O intercambio pode realizarse no horario de apertura da Biblioteca de luns a venres de 9 a 14h e 15 a 21h e o sábado de 9 a 13h.
O novo espectáculo de María Fumaça chega este sábado, ás 19h, ao Teatro Municipal de Tui. Trátase de "Aire".
Dirixido por Uxía Senlle conta con Pablo Pastor na escenografía e Isaac Palacín no son.
Sobre o escenario para interpretar as cancións deste novo traballo estarán Uxía, voz; Magín Blanco, guitarra e voz; Sergio Tannus, cavaquiño e voz; Santiago Cribeiro, acordeón; Antonio Castillo, contrabaixo; Raquel Domínguez, gaita; Pablo Ces, bombo; Oli Xiráldez, requinta e Ana Domínguez, Chus Domínguez, Andrés Giráldez, Tatán e Blanque, voces.
O Teatro Municipal de Tui acolle este venres, 20 de outubro, ás 21.30h a estrea de "Chola a it girl" de Artesacía.
A tudense Laura Villaverde é a autora, directora e intérprete nunha montaxe na que Roi Fernández faise cargo da escenografía e iluminación e Lucía Martínez da música.
A obra dirixida a todos os públicos a partir dos 10 anos ten unha duración de 60 minutos.