Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A “A exposición secuestrada. Estampa Popular Galega, Tui-1968” inaugurada o pasado 27 de setembro na Sala Municipal de Exposicións do Concello de Tui chega a súa clausura, este sábado 16 de novembro, logo dunha excelente acollida tanto por parte do público como polos medios de comunicación.
Preto 300 alumnos e alumnas dos centros educativos de Tui asistiron hoxe no Teatro Municipal de Tui á representación de “Wombo Combo” da man de Galeatro. Esta obra teatral chega a Tui dentro do programa + Escénicas da Deputación de Pontevedra coa colaboración do Concello de Tui.
“Kyoki” é o título do espectáculo que este venres, 8 de novembro, ás 19 h presenta Elefante Elegante dentro da programación de outono. Baixo a dirección de Gonçalo Guerreiro, coa interpretación de María Torres e a manipulación de obxectos de Mario Rodríguez, aborda cunha mirada cómplice, reflexiva e sensible o esquecemento, a vellez e a soidade. O título do espectáculo Kyoki significa “demencia” en xaponés.
Emotivo, divertido e sorprendente. Así é “Terceiro acto” a obra teatral que mañá xoves, 31 de outubro, ás 21 h presenta o Centro Dramático Galego, CDG, no Teatro Municipal de Tui.
Esta mañá comezou xa a montaxe da escenografía e a iluminación no escenario do teatro tudense onde o público poderá gozar con posta en escena de Belén Constenla, César Goldi, Fernando Morán, María Costas e César Cambeiro baixo a dirección de Andrea Jiménez e Noemi Rodríguez, autoras tamén da dramaturxia.
Mañá mércores, 30 de outubro, ás 11 h terá lugar no Teatro Municipal de Tui a presentación da obra “Terceiro acto” que este xoves ás 21 h representa neste espazo o Centro Dramático Galego.
O director do CDG, Fran Núñez, e a concelleira de Cultura, Ensino e Mocidade, Sonsoles Vicente, visitarán mañá o comezo da montaxe da escenografía e iluminación do espectáculo. A continuación comparecerán ante os medios de comunicación.
O Concello de Tui vén de abrir o prazo para solicitar as bolsas de estudo para ensinanzas musicais correspondentes ao curso 2023-24 no Conservatorio e na Escola de Música de Tui.
O obxectivo desta convocatoria é facilitar o acceso ás ensinanzas musicais a aquelas familias ou persoas con recursos limitados.
A Aula Uned de Tui acollerá o próximo venres 8 e sábado 9 de novembro o seminario especializado “Escribir en la frontera entre Galicia y Portugal en la Edad Media: protagonistas, lugares y productos”. O mesmo reunirá na cidade a un escollido grupo de especialistas de España e Portugal.
Máis de medio centenar de persoas contribuíron a pasada semana a que as novas tecnoloxías poidan entender e falar en galego. Foi o pasado xoves na xornada de “captación de voz” promovida polo Proxecto Nós que se desenvolveu na aula CEMIT no edificio Francisco Sánchez. Dende ás dez da mañá e até ás oito da tarde foron ducias de persoas as que se sumaron a esta iniciativa impulsada pola Xunta de Galicia e a Universidade de Santiago de Compostela, que neste caso contou coa colaboración do Concello de Tui, para que o galego tamén estea presente nos novos desenvolvementos dixitais.
O Centro Dramático Galego, CDG, volve este xoves, 31 de outubro, ás 21 h ao Teatro Municipal de Tui para pór en escena a súa última montaxe “Terceiro acto”.
Andrea Jiménez e Noemi Rodríguez son as encargadas da dramaturxia e da dirección desta peza teatral que combina humor, melancolía e beleza. En escena estarán Belén Constenla, César Goldi, Fernando Morán, María Costas e César Cambeiro. A escenografía foi deseñada por Marta Pazos, o vestiario por Yaiza Pinillos, a coreografía é de Amaya Galeote e a iluminación de Miguel Ruz.
A Biblioteca Pública Municipal de Tui vén de ser galardoada no Concurso de Proxectos da Campaña de Animación Lectora “María Moliner” 2024, na súa 24ª edición. Este prestixioso concurso, promovido polo Ministerio de Cultura e Deporte, premia os mellores proxectos dirixidos a toda a veciñanza, con especial atención a colectivos con dificultades para acceder á lectura, levados a cabo por bibliotecas públicas en municipios con menos de 50.000 habitantes.
