Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Trompicallo Teatro será a compañía encargada de abrir este venres, 6 de outubro, no Teatro Municipal de Tui a programación de outono. Será ás 20h coa estrea da súa última montaxe “Planeta Ardora”. Trátase dun espectáculo, dirixido a público familiar a partir dos dous anos, no que a luz é a protagonista.
O próximo martes, 24 de outubro, celébrase o Día da Biblioteca, por este motivo a Biblioteca Pública Municipal de Tui acollerá un contacontos dirixido ao público infantil para conmemorar esta efeméride.
As visitas guiadas gratuítas á cidade de Tui cambian o seu horario durante o mes de outubro e tamén a súa periodicidade. Dende mañá 1 de outubro pasarán a realizarse os venres, sábados e domingos ás 20.15h cun percorrido aproximado dunha hora polo barrio xudeu. Con estas visitas nocturnas búscase ofrecer outra imaxe da cidade apreciando aspectos que as veces pasan desapercibidos á luz do día.
O próximo luns, 2 de outubro, ás 11.30h no Teatro Municipal de Tui terá lugar a presentación da programación cultural a desenvolver no outono no Teatro Municipal de Tui.
O Centro de Interpretación do Camiño, situado no antigo Convento de San Domingos, será o escenario este sábado, 30 de setembro, do Forum Peregrino “Os Camiños de Santiago en Galicia”, organizado por Iacobus Tui e Baixo Miño, o Concello de Tui e a Deputación de Pontevedra.
Mañá martes, 26 e setembro, ás 11h na sala de reunións da casa do concello de Tui terá lugar a presentación do Forum Peregrinos que se vai celebrar este sábado 30 de setembro en Tui.
A presentación correrá a cargo do alcalde, Enrique Cabaleiro, da presidenta de Iacobus, Mª Victoria Álvarez, xunto a outros membros do goberno municipal.
A música dos Best Boy despedirá este sábado o verán en Tui nunha iniciativa da Asociación Cultural Betún na que colabora o Concello de Tui a través das concellerías de Ensino e Cultura e de Patrimonio. A praza de Fromista será o escenario, en pleno conxunto histórico, dunha festa na que música e gastronomía irán da man a partir das 20.30h.
Reivindicar a importancia do Camiño Portugués pola Costa dende Caminha ata Tui é o obxectivo da andaina organizada para este sábado por Iacobus Tui en colaboración co Concello de Tui. Preto dun centenar de persoas realizarán en dous grupos este percorrido histórico, un grupo completando os 34 quilómetros que separan Caminha e Tui e o outro grupo os 17 quilómetros entre Vila Nova de Cerveira e Valença.
Mañá xoves, 14 de setembro, ás 11.15h na sala de reunións da casa do concello de Tui presentarase o Concerto Fin de Verán que se vai celebrar este sábado, 16 de setembro, na praza de Fromista. Está organizado pola Asociación cultural Betún coa colaboración do Concello de Tui a través das concellerías de Cultura e Patrimonio.
A presentación correrá a cargo do alcalde de Tui, Enrique Cabaleiro, do concelleiro , Miguel Capón Rey, e da concelleira de Patrimonio, Carmen Núñez, xunto a responsables da Asociación Cultural Betún, e do grupo tudense Best Boy.
Mañá mércores, 13 de setembro, ás 11h na sala de reunións do Concello de Tui terá lugar a presentación da I Andaina Camiño Portugués da Costa Caminha-Tui que se vai celebrar este sábado, 16 de setembro. Esta actividade está organizada pola Asociación Iacobus Tui, xunto ao Concello de Tui, e o Club Andatui Regodapedra,
A presentación correrá a cargo do alcalde de Tui, Enrique Cabaleiro, a presidenta da Asociación Iacobus Tui, Victoria Álvarez, e o presidente do Club Andatui Rego da Pedra, José Martínez Tato.
