Hoxe ás 12 h concentración en solidariedade co pobo de Ucraína na praza do Concello.

O Concello de Tui, responde así á solicitude realizada pola Federación Española de Municipios e Provincias, FEMP, de convocar á veciñanza a concentrarse hoxe, mércores 9 de marzo, ás 12 h diante da casa do concello, coma mostra de solidariedade co pobo de Ucraína. 

Deste xeito amósase o rexeitamente das entidades locais españolas á invasión deste país, aos sufrimento, dor e destrucción que está ocasionando, así coma ao éxodo forzado de millóns de persoas. 

Tui reivindicou hoxe unha igualdade real e efectiva entre homes e mulleres no acto conmemorativo do Día Internacional da Muller.  O edificio dos antigos xulgados, acolleu este evento, que abriu Marta Quintana interpretando “Setestrelo” de Guadi Galego á arpa.

A Sala Municipal de Exposicións de Tui acolle até o xoves, 24 de marzo, a exposición “Sabores e Aromas de Sefarad. Os segredos da gastronomía xudeu-española” organizada pola Red de Juderías de España – Caminos de Sefarad e o Concello de Tui, que forma parte desta Red dende o pasado ano 2019.

Debido ao interese evidenciado nos primeiros días da campaña fluvial do Miño, colócase a disposición dos interesados dous paseos diarias de barco. Mantense o horario das 16:00 horas, engadindo outro ás 17:30 horas. A inscrición, gratuíta e limitada a 15 persoas por viaxe, realízase nos quioscos de información situados nos embarcadoiros de Salvaterra de Miño e Tui, ou no sitio web de Hemisférios www.hemisferios.org, o tour operador responsable da organización das viaxes.

Catorce persoas coidadoras de familiares dependentes participan dende onte xoves no  programa “Coidándome” posto en marcha polo Concello de Tui, coa colaboración de AFAGA.

Durante doce sesións, os xoves de 10.30 a 12h, as persoas participantes recibirán información e formación sobre as diferentes patoloxías que xeran dependencia e estratexias prácticas para o coidado. Tamén recibirán orientación sobre recursos sociais e de apoio para situación de dependencia, ao tempo que se incidirá na gran importancia do autocoidado.

A Mancomunidade Intermunicipal do Baixo Miño, MIBM, destinará 6.000 euros do seu orzamento a axudar á poboación de Ucraína. Así o decidiron onte xoves os alcaldes e alcaldesas dos municipios de Tui, Enrique Cabaleiro, da Guarda AntonioLomba, do Rosal Ánxela Fernández  e de Tomiño Sandra González, reunidos na Casa do Concello deste último co fin de aprobar os orzamentos da entidade. 

Mañá venres, 4 de marzo, ás 11 h na sala de concelleiros da casa do concello de Tui terá lugar a presentación do programa de actividades organizado polo Concello de Tui con motivo do 8M, Día Internacional da Muller.

A presentación correrá a cargo do alcalde de Tui, Enrique Cabaleiro, e da concelleira de Muller e Igualdade, Ana Núñez, xunto a representantes do tecido asociativo feminino do municipio.  

O Teatro Municipal de Tui acolle este venres, 4 de marzo, ás 21 h o concerto presentación de “La MMarca” de Manuel Madarnás.  Un disco que saíu a luz o pasado mes de agosto cando se presentou amais o primeiro videoclip do tema “Abrázame”, e do que en xaneiro lanzaba o segundo sinxelo “Sway”.  Trátase, segundo Manuel Madarnás, “dun proxecto innovador, con moitas sorpresas e que trata de pór en valor a música instrumental”.

O concello de Tui está a traballar nun proxecto para construír unha senda fluvial pola ribeira do río Furnia nas parroquias de Malvas e Pexegueiro. Por este motivo convoca á veciñanza destas parroquias, principalmente aos titulares das parcelas lindeiras coa marxe esquerda do Río Furnia, a sendas reunións este domingo. 

A primeira xuntanza será o domingo ás 10 h na antiga escola de Malvas e a segunda ás 11.30 h no Centro Cultural de Pexegueiro. 

Los Municipios que conforman el proyecto “río Miño: Destino Navegable” tildan de difamación la información publicada en el Faro de Vigo esta mañana y quieren hacer constar que la embarcación contratada en el marco del proyecto cumple con todas las autorizaciones pertinentes para navegar y cumple las medidas de seguridad necesarias y exigidas por los organismos competentes para autorizar dicha navegabilidad y, para llevar a cabo los paseos de barco por el río Miño con toda la seguridad, como no podía ser de otra forma, y siempre y cuando las condiciones de navegabilidad de