Deporte, concertos, gastronomía, verbenas, espectáculos para público familiar,… forman parte da ampla programación que dende mañá sábado e até o luns terá lugar en Tui nos días grandes das Festas de San Telmo, declaradas de Interese Turístico Galego. O luns será festivo local en Tui.

Mañá venres, 5 de abril, ás 11 h na sala de reunións da casa do Concello presentarase o Cupón da Once dedicado ás Festas de San Telmo.

Participarán na presentación o alcalde de Tui, Enrique Cabaleiro, a concelleira de Cultura, Sonsoles Vicente, o delegado territorial da ONCE en Galicia, Manuel Martínez Pan, e o director da ONCE en Vigo, Roberto Gaspar Conde.

A corporación municipal de Tui celebrará o próximo luns, 1 de abril, ás 20 h pleno de carácter ordinario, a sesión 3/2024, con 20 puntos na orde do día. 

A) Parte resolutiva

1º. Aprobación, se procede, do borrador da acta da sesión extraordinaria anterior nº 2 do 01/02/2024.

Tradición e innovación mestúranse na Festa do Meixón que mañá comeza en Tui e que se vai desenvolver en seis restaurantes  Casa Pote, El Molino, Emma Tapas&Brunch, La de Manu, O Novo Cabalo Furado e o Parador de Tui.

A Festa foi presentada este mediodía no Paseo Fluvial polo alcalde, Enrique Cabaleiro, a concelleira de Comercio e Turismo, Ana Núñez, e unha representación dos viveiros, os restauradores e a adega Sergio Álvarez. Este evento gastronómico celebra neste 2024 a súa 56ª edición.

A última Xunta de Goberno Local do Concello de Tui ven de adxudicar a redacción da Ordenación dos Solos Urbanizables de Pazos de Reis, en concreto os Solos Urbanizables 16, 17 e 18.

A ordenación de esta zona urbana é necesaria, por unha banda, para poder realizar a apertura da rúa Maristas cara a Pazos de Reis e, por outra, para posibilitar a edificabilidade de eses solos, permitindo, dese xeito, o desenvolvemento urbanístico dese ámbito paralizado nestes momentos.

Este venres, 22 de marzo, ás 11.30 h no Paseo Fluvial presentarase a Festa do Meixón que se vai celebrar do 23 de marzo ao 8 de abril dentro da programación das Festas de San Telmo 2024.

A presentación correrá a cargo do alcalde, Enrique Cabaleiro, da concelleira de Comercio, Ana Núñez, e os representantes dos restaurantes participantes e da adega Sergio Álvarez.

A praza da Inmaculada acollerá o sábado 30 e o domingo 31 de marzo o III Encontro de Viños da Raia, que será unha das citas gastronómicas do programa das Festas de San Telmo 2024.

Este mediodía o alcalde, Enrique Cabaleiro e a concelleira de Comercio, Ana Núñez, xunto a Natalia Rodríguez da adega Corisca, Mar Domínguez da adega María Bargiela e Juan Xesteiro da Adega Xesteiro, presentaron esta terceira edición.

O Concello de Tui acordou designar á enóloga Susana Esteban Ordoñez como Premio Cidade de Tui 2024 na categoría individual e á Asociación “Amigos da Catedral” na categoría colectiva, logo da deliberación do xurado designado para a escolla destes recoñecementos.  Estes premios foron creados en 2021 para recoñecer anualmente o labor daquelas persoas e entidades que teñan realizado unha achega de carácter exemplar á vida local ou teñan contribuído coa súa traxectoria á promoción de Tui.

Mañá martes, 19 de marzo, ás 12 h, na casa do concello terá lugar a presentación do III Encontro de Viños da Raia que se vai celebrar o sábado 30 e o domingo 31 de marzo na praza da Inmaculada dentro da programación das Festas de San Telmo.

A presentación correrá a cargo do alcalde de Tui, Enrique Cabaleiro, da concelleira de Comercio, Ana Núñez, da concelleira de Cultura, Sonsoles Vicente, xunto a unha representación das adegas participantes.  

Este sábado, 23 de marzo, o Consorcio de Augas do Louro e Aqualia organizan unha xornada de portas abertas con visitas guiadas á EDAR de Guillarei con motivo do Día Mundial da Auga.

Con esta iniciativa buscan resaltar a importancia da auga como recurso imprescindible para o benestar da sociedade, mostrando os procesos de depuración e o conxunto da xestión do ciclo urbano da auga, ademáis de sensibilizar sobre o problema da contaminación da auga e concienciar sobre a capacidade personal de axudar ao medioambiente.