Eu Rural e o Xeodestino Ría de Vigo e Baixo Miño exploran novas experiencias e aprenden doutros territorio para seguir crecendo e innovando no rural. Unha delegación composta por alcaldesas, alcaldes, edís e persoal técnico percorre estes días a rexión de Emilia-Romaña, en Italia, para coñecer de primeira man experiencias de desenvolvemento económico, turístico e social nunha zona vitivinícola de gran parecido con Galicia. Unha viaxe de estudo que permitirá recoller ideas e achegarse a prácticas exitosas que poidan ser implementadas no territorio para potenciar o desenvolvemento rural.

A actualización dos prezos da publicidade na emisora municipal e a incorporación das persoas voluntarias na radio ao Programa de Voluntariado Municipal foron dous dos acordos tomados a semana pasada no Consello de Goberno da Radio Municipal de Tui.

Ante a celebración no mes de xuño da tradicional festividade de San Xoán e a previsión de realización de cacharelas as persoas interesadas deben presentar no Concello de Tui a correspondente solicitude de autorización da fogueiras.

Para iso deben presentar o impreso de solicitude, dispoñible en tui.gal, xunto coa documentación requirida, entre a que figura plano de situación e memoria descritiva, por rexistro xeral ou na sede electrónica até ás 13.30 h do 10 de xuño, tal e coma se informa nun bando da alcaldía.

Esta mañá comezaron as obras de construción da ponte sobre o río Cotarel que une as parroquias de Randufe e Pazos de Reis. Estes tramo da estrada vírase afectada polas intensas choivas de xaneiro de 2023, obrigando a cortar o tráfico rodado.  Dende hoxe, debido ao comezo das obras, tamén se corta o tránsito peonil.

Esta ponte, sobre o río Cotarel, está situada en plena senda dos Muíños do Tripes, polo que as persoas que camiñen pola senda, neste punto e mentres permanezan as obras, terán que realizar un desvío por un percorrido alternativo duns 700m.

A Eurocidade Tui-Valença e o SinFAP, Sindicato Portugués de Axentes Forestais e de Protección Civil, organizarán os días 27 e 28 de maio, o “I Encontro Ibérico de Axentes Forestais e de Protección Civil”. No mesmo tratarase a importancia da cooperación entre Portugal e España na conservación da natureza e a prevención de incendios, e o enfoque integrado para tratar estas cuestións.

A corporación municipal de Tui celebrará o próximo luns, 13 de maio, ás 10.30 h sesión plenaria extraordinaria cun único asunto a tratar

Único punto. Designación, mediante sorteo, das persoas que integrarán as mesas electorais correspondentes á elección de deputados e deputadas ao Parlamento Europeo convocadas para o vindeiro 09 de xuño de 2024. Proposta de Alcaldía, de data 08/05/2024

Convocatoria sesión 5/2024

Tui vai recibir 291.175,50€ de fondos europeos FEDER para a recuperación do baluarte do Diaño da muralla . Trátase do 75% do investimento previsto que ascende a 388.232,67€.

Tui é un dos cinco municipios que forman parte do proxecto “A paz europea a través das fortalezas abaluartadas da Raia”, xunto aos portugueses de Valença, Almeida e Marvão e o español de Ciudad Rodrigo.

Este proxecto suporá o investimento total de 1.199.203,50€ dos que 899.402,62 será financiados a través do fondos FEDER a través do programa Interreg España-Portugal.

Mañá martes, 7 de maio, ás 20 h a corporación municipal de Tui celebrará pleno extraordinario urxente. 

ORDE DO DÍA

A) Parte resolutiva:

1º. Pronunciamento do Pleno sobre a urxencia da sesión.

2º. Expediente 139/2024. Proposta de acordo de Resolución do Contrato de concesión de obra pública parking subterráneo entra las calles Ourense y Compostela (Expdte. 2705/2019)

O próximo luns, 29 de abril, ás 12.00 horas, na sala de concelleiros de Tui, terá lugar a presentación da Final a 4 Cadete masculina e feminina de balonmán, que se disputará os días 4 e 5 de maio, no pavillón deportivo municipal Gustavo Rodríguez de Tui, organizado pola Federación Galega de Balonmán, en colaboración co Concello de Tui e o Club Balonmán Tui.

Na mesma estarán presentes o alcalde de Tui, Enrique Cabaleiro, o concelleiro de Deportes, Rafael Estévez, o presidente da Federación Galega de Balonmán, Bruno López e o presidente do Club Balonmán Tui, Pablo Rodríguez.

Mañá xoves, 25 de abril, ás 12 h no edificio Francisco Sánchez terá lugar a presentación da 20ª edición de Play Doc, o Festival Internacional de Cine de Tui.

Na presentación participarán o alcalde, Enrique Cabaleiro, o presidente da Deputación de Pontevedra, Luis López, o director da AGADIC, Jacobo Sutil, o guionista, escritor e produtor, Pepe Coira, e o codirector do festival, Ángel Sánchez.

Play Doc celebrarase do 1 ao 5 de maio en Tui.