Facebook Twitter Vimeo Instagram Youtube

A camelia protagonista da fin de semana en Tui

17/02/2023

O claustro da Catedral acolle a VIII Mostra da Camelia organizada por ATUCA e unha trintena de establecementos decoran os seus escaparates con esta flor.

Mañá ás 12.30 h será inaugurada no Claustro da Catedral de Tui a VIII Mostra da Camelia organizada por ATUCA, Amigos Tudenses da Camelia, coa colaboración do Concello de Tui entre outras entidades. O lema deste ano é “A Camelia na Eurocidade”. Acudirán 80 expositores de Galicia, Asturias e Portugal que amosarán unha ampla mostra desta flor e das distintas variedades.

O alcalde de Tui, Enrique Cabaleiro, participará mañá no acto inaugural xunto a representantes da Dirección Xeral de Turismo da Xunta de Galicia, da Deputación de Pontevedra, da Sociedade Internacional da Camelia, da Sociedade Española da Camelia, da Catedral de Tui e de ATUCA.

A exposición poderá visitarse mañá sábado de 16.30 a 21.00 h e o domingo de 10.00 a 14.00 h e de 16.00 a 20.00 h.

De forma paralela unha trintena de comercios de Tui súmanse a esta iniciativa engalando esta fin de semana os escaparates dos seus establecemento con  camelias. A idea xurdiu do propio comercio local contando coa colaboración de ATUCA, do Concello de Tui e veciños e veciñas que doaron flor para expor nos establecementos, ao igual que o Centro O Pelouro.

Deste xeito Tui esta fin de semana sumará a todo o seu patrimonio natural, cultural e histórico un atractivo máis coma é a camelia. Así os visitantes amais de achegarse até o claustro da Catedral poderán tamén facer un percorrido pola cidade para admirar as decoracións nos comercios locais. A listaxe completa e un mapa no que se poden consultar os comercios participantes pódese consultar tanto na web municipal coma na Oficina de Turismo, no Paseo da Corredoira.

Listaxe de establecementos participantes:

  1. Avatel. r/Compostela, 14.
  2. Concepto by Persa Cociñas. Areas.
  3. Confitería Rogelio. r/ Augusto González Besada, 4.
  4. Cousiñas. r/Ordóñez, 16.
  5. Cucadas. r/ Casal Aboy, 4.
  6. Dequip Tui. r/ Casal Aboy, 1.
  7. Divos. Paseo da Corredoira, 36.
  8. El Armario Curvy. r/ Augusto González Besada, 8.
  9. Escoita. r/ Casal Aboy, 13.
  10. Estanco Avenida de Portugal. Avenida de Portugal, 27 .
  11. Fiadeiras. r/ Casal Aboy, 2.
  12. Floristería la Flor. r/Foxo. Galerías Caracas.
  13. Fotografía Carper. r/Colón, 19.
  14. Gominolas Nitos. r/ Ordólez, 1.
  15. Joy Baby. r/Irmáns Maristas, 5.
  16. La Bella Aurora. r/ Colón, 19.
  17. La Trastienda de Lupadás. r/ Foxo. Galerías Caracas.
  18. Las Flores de Rita. r/A Guarda, 2.
  19. Loterías el Puente. Avenida de Portugal, 46.
  20. Merca 99. r/Colón, 5.  
  21. Peluquería Mila Estévez. r/Compostela, 10.
  22. Mistic. r/ Augusto González Besada, 13.
  23. Muebles GL3. r/Ourense, 4.
  24. Naldo Costas. r/Augusto González Besada, 20.
  25. Pastelería El Santo. r/Travesía Rosa Bahamonde, 4.
  26. Pleno Modas. r/ Casal Aboy, 3.
  27. Pony Express. r/Colón, 17.
  28. Surtidor Conde. Paseo da Corredoira, 35.
  29. Tapería Época. Avenida da Concordia, 2.
  30. The White Clover. Avenida de Portugal, 52. 
  31. Tui Grill. r/Martínez Padín, 7.
  32. Valenzuela Interiorismo. r/rúa Foxo, n.º 5.

 

Mapa de establecementos participantes:

  • 889 reads