Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A postal presentada pola alumna de 5º curso de Educación Primaria do CEIP de Rebordáns, Alba Míguez Martínez, acadou o primeiro premio do Concurso de Postal de Nadal 2022 convocado polo Concello de Tui para a elección da postal navideña que distribuirá o concello de tudense neste ano 2022
Esta fin de semana a animación musical volve ás rúas da Eurocidade Tui-Valença tras a actuación de seis agrupacións dos dous municipios no programa “Corais na rúa” a pasada semana.
Nesta ocasión serán catro entidades as que actuarán no Jardim Municipal de Valença e no Paseo da Corredoira en Tui, dentro do programa “Música na rúa”. Serán as charangas tudenses A Tu Ritmo e Cantos Somos, e os grupos valencianos Trío Na(tal) e Río Abaixo os que actuarán tanto o sábado 17 coma o domingo 18.
"Tui, o Camiño do Nadal" é o lema do Nadal 2022 en Tui. As luces e a decoración de rúa enchen da maxia destes días a cidade.
Nas rúas e prazas de Tui pódese ver a decoración de Nadal. No seguinte rueiro están ubicados os distintos elementos.
A Agrupación de Voluntarios de Protección Civil de Tui organiza por segundo ano consecutivo un Concerto Solidario a favor de SOS Tomiño Baixo Miño. No evento contan coa colaboración do Concello de Tui.
Este II Concerto Solidario terá lugar mañá sábado día 10, ás 18.00 h, no Teatro Municipal, e para acceder será necesario entregar 1 quilo de alimentos non perecedoiros, como mínimo, que se destinará a SOS Tomiño Baixo Miño.
Esta fin de semana a música coral será protagonista na Eurocidade Tui-Valença coa actuación seis agrupacións dos dous municipios no programa “Corais na rúa”. Serán as corais valencianas São Teotónio e Verdoejo e o Coro Infantil 1º Grau da Academia da Música da Fortaleza de Valença, e as tudenses do Centro Sociocomunitario, Ponte das Febres e San Telmo as que actuarán na praza da República de Valença e no Paseo da Corredoira en Tui tanto o sábado 10 e coma o domingo11.
Mañá xoves, ás 18.30 h, na carpa instalada no Paseo da Corredoira terá lugar o acto simbólico de acendido da iluminación da Nadal do Concello de Tui. No mesmo contarase amais coa actuación da Rondalla O Mosteiro de Pexegueiro.
Nas distintas rúas e prazas foron instalados 123 arcos, 213 elementos de iluminación, cun total de 3.285, 56 metros cadrados de iluminación, realizados con 452.318 lámpadas led.
A Biblioteca Pública Municipal de Tui organiza dende hoxe luns 5 e até o venres 30 de decembro unha nova edición do mercadiño solidario de libros, en colaboración co departamento de Servizos Sociais do Concello.
Nestas xornadas, a Biblioteca Municipal ofrece os libros destinados ao expurgo, procedentes dos seus propios fondos ou de doazóns da veciñanza, para que aqueles lectores interesados poidan recoller aquelas obras que resulten do seu interese.
“Tui, o Camiño do Nadal” volve ser o lema da programación de Nadal do Cocnello de Tui que se vai celebrar dende o próximo luns 5 de decembro ate o 5 de xaneiro. Música, mercado, decoración, iluminación, obradoiros infantís… son so algunhas das propostas para estas festas en Tui.
A Sala de Exposicións Municipal no edificio Francisco Sánchez acolle até o 29 de xaneiro a exposición “O Camiño Portugués. Lembranzas de mar e pedra”, que chega a Tui da man da Consellería da Cultura e da Cidade da Cultura coa colaboración do Concello de Tui.
Mañá xoves, 1 de decembro, ás 10.30 h na Sala de Exposicións Municipal no edificio Francisco Sánchez terá lugar a inauguración da exposición “O Camiño Portugués. Lembranzas de mar e pedra”
O acto contará coa presenza do alcalde de Tui, Enrique Cabaleiro, do director xeral de Cultura da Xunta de Galicia, Anxo M. Lorenzo; da directora xerente da Fundación Cidade da Cultura de Galicia, Ana Isabel Vázquez e da comisaria da exposición Lucía Laín.
A mostra poderá visitarse dende mañá e até o 29 de xaneiro.
