O Concello de Tui lembra que a práctica de xogos nos espazos abertos que impliquen un risco relevante para a seguridade de persoas ou bens e, especialmente, a circulación temeraria con patíns ou monopatíns por beirarrúas ou lugares destinados aos peóns constitúe unha infracción grave da Ordenanza Reguladora da Convivencia Cidadá nos Espazos Públicos.

A corporación municipal de Tui celebrará pleno de carácter extraordinario este mércores, 14 de xuño, ás 9.30 h, no salónd e sesións da casa do concello. 

Na orde do día figura un único punto referido á aprobación, se procede, dos borradores das actas das sesións anteriores: ordinaria nº 3/2023, do 27/04/2023 e extraordinaria nº 4/2023, do 02/05/2023.

O Concello de Tui convoca unha reunión informativa o próximo xoves, 15 de xuño, ás 19 h no salón de plenos da casa do concello para a veciñanza afectada pola modificación puntual do PXOM da reforma urbanística da zona de San Bartolomeu.

Esta mañá celebrouse unha recepción aos 11 xogadores e a xogadora do Tyde F.C. que van a participar no Torneo Internacional de Versmold, onde compartirán experiencia con clubs de 12 países. Foron recibidos no salón de sesións da casa do Concello de Tui polo alcalde de Tui en funcións, Enrique Cabaleiro, e polo concelleiro de Deportes en funcións, Rafael Estévez.

Mañá mércores, 7 de xuño, ás 11.30 horas, no salón de sesións do Concello de Tui, realizarase unha recepción ao equipo alevín do Tyde F.C. que nesta próxima fin de semana participará na cidade alemá irmandada con Tui, no Torneo Internacional de Versmold.

Neste acto estarán presentes o alcalde en funcións de Tui, Enrique Cabaleiro, o concelleiro de Deportes en funcións, Rafael Estévez, o presidente do Tyde F.C., Elias Vieiro, o responsable do fútbol base do club, José Manuel Quintana, acompañados polos integrantes do equipo alevín e os seus adestradores, Samuel, José Paz e Raúl.

A convocatoria de propostas artísticas para participar no MUMI 2023 pecha con éxito de inscricións: 244 artistas e bandas, de altísimo nivel e de estilos musicais moi diversos, optan a formar parte do programa de showcases esta edición.

Dende hoxe luns, 5 de xuño, e até o luns 12 de xuño, pódese consultar o censo electoral que estará vixente nas Eleccións Xerais do próximo 23 de xullo.  As persoas electoral poderán consultar os seus datos de inscrición no centro censo electoral a través da sede electrónica do INE cos medios de identificación electrónica ou ben  presencialmente no Servizo do Padrón na casa do concello. 

Facer que as instalacións municipais sexan accesibles para todas as persoas independentemente das súas particularidades físicas, sensoriais ou intelectuais é o obxectivo do convenio que hai uns días asinaba o Concello de Tui coa Federación de Autismo de Galicia dentro do proxecto “Concello de Tui Accesible”.

O alcalde de Tui, Enrique Cabaleiro, asinou o documento con Aitana García, responsable da Área de Accesibilidade da Federación, nun acto no que participoaron tamén o concelleiro de Servizos Sociais, Ismael Diaz, e Montse Mon, presidenta da asociación tudense Un Máis.

O próximo luns comezarán as obras para a instalación de catro novas marquesiñas noutras tantas paradas de autobús en Areas, Randufe, Pazos de Reis e Guillarei en puntos de entrada ao centro urbano. O Concello de Tui vén de adxudicar o proxecto para a renovación e colocación destes elementos, unha actuación que será financiada con fondos propios.

Queda exactamente unha semana para que artistas e bandas galegas e portuguesas interesadas en abrir novos mercados envíen as súas propostas musicais para optar a participar nos showcases que se celebrarán en distintas localizacións de Tui e Valença dentro da cuarta edición do MUMI. As inscricións son gratuítas e poden facerse ata o próximo venres 2 de xuño a través da web mumimusicas.eu. Poden presentarse todas as bandas ou artistas de Portugal e Galiza que teñan un proxecto musical de carácter profesional, independentemente do tipo de formación ou estilo.