O novo pavillón municipal de deportes de Tui acollerá este sábado. 23 de febreiro, a primeira xornada da Fase Sur de Judo alevín e infantil organizada pola Federación Galega de Judo, a Secretaría Xeral para o Deporte e o Concello de Tui.

As obras de apertura da rúa Ourense estarán rematados na última semana do mes de marzo, incluíndo a execución do proxecto modificado que foi preciso realizar para solucionar unha serie de cuestións que se atoparon no inicio das obras. Ese modificado suporá un incremento do 25% no orzamento previsto inicialmente en 220 mil euros, pero en todo caso estará por baixo dos 314 mil euros nos que o proxecto sairá a licitación.

O novo folleto turístico da Ruta Xudía de Tui foi presentado este mediodía na casa do concello polo alcalde, Carlos Vázquez Padín, e o concelleiro de Cultura e Patrimonio, Eduardo Freiría.

Mañá venres, 15 de febreiro, ás 12.30 h o alcalde de Tui, Carlos Vázquez Padín, comparecerá en rolda de prensa, na sala de reunións da casa do concello de Tui, para falar das obras de apertura da rúa Ourense que se están a executar.

Esta semana comezou a redacción do Plan Director e Estratéxico de Turismo. Co obxectivo de que o propio sector turístico e a cidadanía poidan realizar as súas achegas, suxestións, ideas… habilitouse o seguinte enderezo electrónico: achegasturismotui@outlook.com

Este venres, 1 de febreiro, comeza a programación do primeiro semestre do ano en Tui. Vén recollida no número 37º da axenda Corredoira Cultural. Está conformada por seis espectáculos que se van levar a cabo no Teatro Municipal e seis eventos que se van celebrar até o mes de maio.

A presentación tivo lugar esta mañá na casa do concello por parte do alcalde, Carlos Vázquez Padín, o concelleiro de Cultura, Eduardo Freiría, o director da AGADIC, Jacobo Sutil, xunto a Elisa Alfaya, Eduardo Rodríguez “Tatán” e Avelino González.

Tui contará no prazo de dous meses e medio cun Plan Director e Estratéxico de Turismo que marcará un cronograma de actuación no período 2019-2022. Partindo da actual situación, que será analizada durante estas primeiras semanas, realizará unha análise da situación actual co perfil do visitante, a oferta, o mercado e os competidores, redactará un informe DAFO, establecerá os retos e liñas estratéxicas a seguir, e concluirá co deseño de plans de acción e produtos prioritarios.

O próximo luns, 28 de xaneiro, ás 12h na sala de reunións da casa do concello de Tui terá lugar a presentación do inicio da redacción do Plan Director de Turismo de Tui.

Comparecerán ante os medios de comunicación o alcalde de Tui e responsable municipal de Turismo, Carlos Vázquez, xunto a Julio Sánchez e Tamara Tilve da empresa Valora, adxudicataria da redacción do Plan Director.

O alcalde de Tui, Carlos Vázquez Padín, reuniuse este mediodía con Salvador García, Lupe Pérez e Pablo González da Asociación de Afectados de Paramos e Guillarei, na véspera de cumprirse oito meses da explosión no barrio da Torre. No encontro participaron tamén o arquitecto e a traballadora social asignados ao centro de afectados en Guillarei.

O Concello de Tui estará mañá presente en FITUR, a Feira Internacional de Turismo, que se celebrará en Madrid do 23 ao 27 deste mes, representado polo alcalde e responsable de Turismo, Carlos Vázquez Padín.