Últimos dias para matricularse no "Curso de acceso á universidade"
O vindeiro luns, 28 de outubro, termina o prazo para matricularse no "Curso de acceso á universidade para maiores de 25 ou 40 anos", que se imparte na Aula UNED de Tui.
ÚLTIMOS DÍAS PARA MATRICULARSE NO "CURSO DE ACCESO Á UNIVERSIDADE"
A superación do devandito curso permite o acceso a estudos universitarios a todas aquelas persoas maiores de 25 ou 40 anos que non posúan os estudos necesarios para poder realizar unha carreira.
Venres, 25 de outubro de 2013. A Aula UNED de Tui impartirá durante o ano académico 2013/2014 o "Curso de acceso á universidade para maiores de 25 ou 40 anos". Devandito curso supón unha oportunidade para todas aquelas persoas maiores de 25 anos que desexen acceder a calquera estudo universitario de grao pero que non posúan a titulación específica para o seu acceso. O prazo para matricularse terminará este luns, 28 de outubro.
A superación da proba de acceso á universidade para maiores de 25 ou 40 anos outorga o acceso preferente a cursar os graos da UNED. Así mesmo, todos aqueles alumnos que desexen cursar estudos de grao noutras universidades, poderán facer valer dita proba de acceso noutros centros universitarios. Ademais, a superación da proba de acceso á universidade para maiores de 25 anos, será equivalente ao título de bacharelato, aos únicos efectos de acceso a empregos públicos e privados, sempre que se acredite posuír o "Graduado en Educación Secundaria Obrigatoria" ou a superación de 15 créditos ECTS dun estudo universitario. No caso das persoas maiores de 45 anos, que acrediten unha determinada experiencia profesional ou laboral, unha vez superada a proba poderán acceder a cursar exclusivamente calquera dos graos da UNED.
A matrícula, que permanecerá aberta ata o luns, deberá formalizarse a través de internet. No entanto, toda persoa interesada poderá obter máis información a través da páxina web da UNED-Pontevedra (http://www.unedpontevedra.com), chamando por teléfono ao 986851850 ou dirixíndose ás instalacións da aula UNED de Tui (rúa Antero Rubín s/n, Antigo Convento de San Domingos, 36700 Tui, Pontevedra). O horario de apertura da aula Universitaria é de 16h a 20h de luns a venres (excepto xoves).
O prazo de matrícula para Graos permanecerá aberto ata o 8 de Novembro
Así mesmo, a Universidade Nacional de Educación a Distancia ampliou o período de inscrición para matricularse en graos universitarios, enxeñarías, licenciaturas e diplomaturas ata o día 8 de novembro. Con este novo calendario, amplíase tamén o período de modificación de matrícula, aberto agora ata o final do prazo de matriculación, o venres 8 de novembro. Todas aquelas persoas interesadas en cursar un grao ou algunha das licenciaturas, enxeñarías ou diplomaturas a extinguir contarán agora con dúas semanas máis para realizar a súa matrícula, que deberán formalizar a través de internet. A Aula UNED de Tui impartirá durante o presente curso académico o primeiro e segundo curso do grao de Psicoloxía.