Tui acolle un programa de voluntariado xuvenil centrado "no camiño portugués"

Un programa de Voluntariado Xuvenil promovido polo Concello de Tui ao abeiro da convocatoria da Dirección Xeral de Xuventude, dependente da Consellería de Traballo e Benestar, permitira o desenvolvemento dunha mellor atención aos peregrinos do Camiño Portugués de peregrinación a Santiago no concello de Tui mediante unha actuación a desenvolver ata o mediados do vindeiro mes de outubro.

 

Entre os obxectivos deste programa de voluntariados están

-         Proporcionar información aos peregrinos que acoden a Tui no seu itinerario de peregrinación a Compostela

-         Inspeccionar as condicións da ruta de peregrinación e os seus servizos complementarios

-         Ofrecer información sobre recursos turísticos de Tui e a súa contorna

-         Informar doutros recursos de interese para os peregrinos: servizos públicos, médicos, farmacéuticos, etc.

 

O labor que realicen estes voluntarios se centrará nos seguintes lugares de nosa cidade: Oficina Municipal de Turismo na Praza de San Fernando, Centro de Interpretación do Camiño Portugués no antigo convento de San Domingos e Albergue de peregrinos do Xacobeo.

 

Neste proxecto participan catro mozos e mozas de entre 18 e 30 anos de idade. os participantes recibirán unha certificación oficial da experiencia adquirida, segundo establece a nova Lei Galega de Acción Voluntaria, aprobada por unanimidade en 2011.

 

Cabe lembrar que a nosa cidade é o primeiro lugar, fóra do Camiño Francés, escollido polos peregrinos para iniciar o seu itinerario a Compostela, asi no pasado mes de agosto foron case 2500 os que comezaron en Tui a súa peregrinación sendo estranxeiros a maioría deles.

 

Con este programa preténdese xunto a mellorar a atención aos peregrinos incentivar a participación dos mozos e mozas en actividades de voluntariado como unha ferramenta de acción social e enriquecemento persoal.