Os alumnos do grao de psicoloxía da Uned de Tui realizan esta semana os seus primeiros exames

MEDIO CENTENAR DE ALUMNOS DA AULA UNED DE TUI REALIZAN POR PRIMEIRA VEZ AS SÚAS EXAMENES DE PSICOLOXÍA

Corenta e oito alumnos do Grao de Psicoloxía que se comezou a impartir este curso na localidade tudense realizan estas semanas as súas probas presenciais no Centro Asociado da UNED en Pontevedra

Case medio centenar de alumnos do Grao de Psicoloxía impartido na Aula UNED de Tui examínanse estas xornadas no Centro Asociado da UNED en Pontevedra.

Este é o primeiro ano que se imparte o Grao de Psicoloxía na aula tudense, que conta con corenta e oito matriculados. As probas, que teñen lugar na  capital pontevedresa, comezaron xa o día 28 de Xaneiro e estenderanse ata o 15 de Febreiro. Os alumnos matriculados examínanse de cinco materias que se impartiron este cuadrimestre nesta Aula de Tui.

Na Aula da Uned de Tui, ademais deste grao, impártese desde hai  dous anos, o Curso de Acceso á Universidade para maiores de 25 anos e de 45 anos, que nestes momentos conta con 58 persoas matriculadas, e realízanse periodicamente diferentes cursos abertos a toda a poboación.  “Como crear unha empresa con éxito” é o próximo curso de extensión organizado na aula tudense que terá lugar do 21 de Febreiro ao 5 de Abril e cuxa matrícula está aberta a todos os interesados.