O luns remata o II Ciclo de Xoves Intérpretes “Padre Rosendo Salvado”
9/05/2014
Venres, 9 de maio de 2014 . O próximo luns, 12 de maio, remata o II Ciclo de Xoves Intérpretes “Padre Rosendo Salvado” no Conservatorio Profesional de Música de Tui.
O ciclo comezou o pasado mes de marzo e en conxunto participan no mesmo dez alumnos tanto do Conservatorio coma da Escola de Música Municipal con concertos de violín, piano, clarinete, trombón, trompeta e bombardino.
O último concerto, o luns 12 de maio ás 20.30h, na Sala de Audicións do Conservatorio van actuar Alma Giraldez, ao violín, Felipe Fernández, á trompeta, e Joao Pedro Marinheiro ao bombardino. Todos eles son alumnos da Escola de Música Municipal de Tui.