Facebook Twitter Vimeo Instagram Youtube

O II Ciclo de Xoves Intérpretes do Conservatorio de Tui ofrece dous concertos esta semana

15/04/2014

Martes, 15 de abril de 2014. Esta semana prosegue o II Ciclo de Xoves Intérpretes “Pai Rosendo Salvado” no Conservatorio Profesional de Tui con dous novos concertos na sala de audicións deste centro de ensinanzas musicais.

Hoxe martes, 15 de abril, ás 20:30h actuarán de Jose Ramón Carvajal ao piano e Luís Miguel Fernandes Alves ao clarinete. Mañá mércores, 16 de abril,  ás 20.30h, será a quenda de Raúl Gómez ao clarinete e Eloy Carrera ao trombón. A entrada para os concertos é libre ata completar o aforamento.

Estes concertos encádranse no II Ciclo de Xoves Intérpretes “Pai Rosendo Salvado” organizado polo Concello de Tui co gallo do bicentenario do nacemento do bispo tudense que se cumpriu o pasado 1 de marzo .