Máis de 37 000 visitantes a Expogalaecia 2011 na que particiba a Eurocidade Tui-Valença
3/11/2011
O Concello de Tui e a Cámara Municipal de Valença valoran moi positivamente a súa participación conxunta na feira “ExpoGalaecia 2011 Salón de Turismo, Gastronomía y Artesanía de Galicia y Norte de Portugal” celebrada no recinto feiral de Vigo dende o pasado sábado 29 de outubro a onte martes 1 de novembro.
Segundo os organizadores foron máis de 37.000 os visitantes que se achegaron ao longo destes catro días ao IFEVI e que puideron coñecer a oferta turística de ambos municipios agrupados agora baixo a denominación de “Eurocidade”.
Salientou especialmente o número de visitantes que na tarde do domingo puideron coñecer a gastronomía deste municipios miñotos, concretamente o “caldo verde” de Valença e os peixiños de améndoa e as tortas de Santiago que ofrecía o Concello tudense. Tamén onte martes 1 de novembro á tarde foi moi visitada á presentación da oferta de turismo activo realizada por empresas de ambos municipios e que suscitou o interese de moitos visitantes.
Para a concelleira de turismo do Concello de Tui, Raquel Lorenzo Pimentel, a participación da Eurocidade Tui – Valença nesta feira de turismo ten resultado unha experiencia sumamente positiva tanto polo importante número de visitas que recibiu o stand da “Eurocidade” como polo que significa de traballo conxunto para a promoción turística de Tui e Valença que comeza asi un camiño de colaboración do que se agardar positivos froitos. Un patrimonio cultural complementario, unha paisaxe natural extraordinaria, una amplo abanos de servizos culturais e turístico, numerosos establecementos comerciais e turísticos de calidade... son algunhas das principais fortalezas da oferta turística de ambos municipios e que amosaron neste stand na feira de turismo “Expogalaecia” 2011.