Accións formativas para promotores turísticos ao abeiro do proxecto Río Miño: Un destino navegable
Dentro do proxecto "Río Miño: Un Destino Navegable", a entidade de Turismo de Porto e Norte de Portugal porá en marcha dúas accións formativas para promotores turísticos. Os días 17, 18 e 25 de novembro celebrarase na Eurocidade Valença-Tui, e o 12, 14 e 16 de decembro na Eurocidade Monção-Salvaterra de Miño.
Estas accións formativas están dirixidas aos axentes turísticos da comarca, situados en oficinas de información ou “portais” da comarca, como museos, tendas turísticas, restaurantes ou unidades de aloxamento, as accións teñen como obxectivo reforzar a marca común “Rio Miño”, potenciando o coñecemento e o traballo en rede dos profesionais do sector.
Tamén se pretende transmitir información detallada dos principais puntos de interese dos catro concellos, así como dos seus respectivos produtos potenciais e endóxenos. Entre os obxectivos propostos tamén se inclúen visitas a centros históricos, paseos pola beira do río Miño, transmisión de técnicas de comunicación e creación de produtos turísticos transfronteirizos.
Constará de dúas mañás e unha xornada completa. A inscrición está dispoñible, para cada acción, cun mínimo de 12 e un máximo de 20 persoas. Os interesados poden inscribirse AQUÍ
Dias
17, 18 e 25 de novembro
12, 14 e 16 de decembro
