La Quintana con “O Premio”
O Teatro Municipal de Tui acolle o venres, 5 de marzo, ás 19.30 h a comedia “O Premio” de man de La Quintana.
Marian Bañobre dirixe a Victoria Teijeiro Álvarez, Raquel Espada e Xurxo Cortázar nesta obra teatral de creación colectiva con dramaturxia de Santiago Cortegoso.
“O Premio” é un reality en directo onde o público vota a quen merece levar o premio da súa vida: “Morrer logrando a fama. Todo por un soño”. A obra parte dun momento, nun futuro próximo, no que o progreso tecnolóxico e a loita cara ao éxito económico, sentimental e social é tal, as persoas caen en “O Premio” como única fórmula de conseguir a felicidade. Plantexan tres finais distintos en función do voto do público.
Duración: 90 minutos
Prezos: 6€ e 5€.
Venda de entradas dende o luns 1 de marzo até o venres 5 ás 18.30 h
Recomendada: Público adulto