IV Aula Internacional de Saxofón
Data:
14/07/2019
Do domingo 14 ao mércores 17 de xullo celébrase a IV Aula Internacional de Saxofón, na que van participar unha véntena de alumnos nas masterclasses previstas a cargo dos profesores Xosé Luis Miguélez, gañador dos premios Martín Codax ao mellor disco de jazz; Rafael Yebra, profesor catedrático do Conservatorio Superior de Música de Vigo, e Kyle Horch, profesor catedrático do Royal College de Londres, que ofrecerá en Tui a súa primeira masterclass en España.
De forma paralela celebraranse catro concertos:
- Domingo 14 ás 20.30 h na igrexa de San Domingos
- Concerto de Multiplensemble Saxo-Percursión. Rafael Yebra, saxofón, e David Rodríguez, percusión.
- Luns 15 ás 20.30 h na praza de San Fernando
- Concerto de Xacobe Martínez Antelo trío. Xosé Miguélez, saxofón; Xacobe Martínez, contrabaixo e Max Gómez, batería.
- Martes 16 ás 21 h na Igrexa de San Domingos
- Concerto de Kyle Horch e Rafael Yebra
- Mércores 17 ás 20.30 h no Palco da Música no Cantón de Diómedes
- Concerto de Sax Inflexión
A IV Aula Internacional de Saxofón está organizada polo Conservatorio Profesional de Música de Tui e a Asociación Frey Rosendo Salvado.