II San Silvestre Tui
O domingo, 31 de decembro, ás 10.30 h con saída dende o Paseo da Corredoira celebrarase a II San Silvestre de Tui. Será unha proba solidaria en beneficio da Asociación Española Contra o Cancro.
Este evento está organizado polo Concello de Tui e o Club Atletismo Tui, en colaboración coa Policía Local de Tui, Protección Civil de Tui, Radio Municipal de Tui e varias empresas tudenses.
Inscrición: do 1 ao 28 de decembro, de xeito gratuíto, a través da web do Club Atletismo Tui, www.clubatletismotui.wordpress.com, ata o día 28 de decembro. Ao igual que na primeira edición esta actividade será en beneficio da Asociación Española Contra o Cancro (AECC), polo que se solicita unha doazón voluntaria a través do número de conta da AECC, ES50 2100 2188 8302 0022 3608, indicando no concepto “DONATIVO SAN SILVESTRE TUI – nome completo”, ou no día da carreira, nos petos que estarán nas mesas na recollida de dorsais.
Recollida de dorsais: Os dorsais e a camiseta de recordo, entregaranse o mesmo día da carreira, dende ás 09.00 horas, ao carón do edificio da Policía Local de Tui, na praza da Inmaculada.
Percorrido: A San Silvestre Tudense terá un percorrido urbano, de preto de catro quilómetros, e apto para todas as persoas. Estará controlado polas persoas voluntarias do Club Atletismo Tui, Protección Civil de Tui e Policía Local de Tui.
Ao remate da carreira, haberá chocolatada e rosca para todas as persoas participantes, así como uvas para tomar coas badaladas das doce do mediodía.