Presentada unha nova edición da “Aloiada”

Na maña de onte, martes 12 de xuño, foi presentada na Casa do Concello de Tui unha nova edición da Aloiada, actvidade que promove os CEIP nº 1 e nº 2 de Tui para os seus alumnos de 6º curso de Primaria e na que colabora o Concello de Tui, a través das concellerías de Educación e Deportes. No acto de presentación estiveron presentes o Alcalde Tui, Moisés Rodríguez Pérez, a Concelleira de Educación, Vanesa Rodríguez Pérez, o Concelleiro de Deportes, Nicolás Lorenzo Montes, e os responsables desta iniciativa Beatriz González e Maria del Carmen Seves, do CEIP nº 2 e Alberto López, do CEIP nº 1.

Na presentación os participantes destacaron o feito de chegar a sexta edición desta Aloiada, que agradan que coa colaboración do Concello de Tui, nun futuro poida abrirse á participación doutros centros educativos do noso municipio.  Esta previsto que nesta nova edición participen 100 alumnos dos dous centros educativos tudenses, que participaran nestas xornadas de caracter lúdico, cultural e deportivo, pero sobre todo son unhas xornadas de convivencia entre o alumnado creando un clima de unión e amistade entre todos os participantes.

Aínda que inicialmente estaba previsto que se celebrase esta nova edición da Aloiada os días 14 e 15 de xuño por mor das previsións meteorolóxicas foi acordada a súa celebración na vindeira semana, en concreto os días 18 e 19 de xuño. Na primeira xornada ps alumnos participaran en actividades de iniciación ao rappel, escalada e orientación na serra do Galiñeiro, asi como un achegamento aos primeiros auxilios. Na segunda xornada estará dedicada, pola mañá, ao sendeirismo e, pola tarde, a actividades de remo e piragüismo.

Os organizadores agradecen a colaboración de diversos establecementos comerciais da nosa cidade así como doutras entidades como o Club de Montañismo “Niño do Corvo”, Club Kayak Tudense, Club Remo Tui ou Verdeazul.