Celebrada onte reunión da Xunta Local de Seguridade

No día de onte, luns 11 de xuño de 2012, tivo lugar na Casa d Concello de Tui unha nova xuntanza da Xunta Local de Seguridade á que asistiron o Alcalde de Tui, Moisés Rodríguez Pérez, o Subdelegado do Goberno en Pontevedra, Antonio Coello Buffil, acompañados doutros representantes do Concello de Tui e dos Corpos e Forzas de Seguridade.

Aínda que o principal obxectivo da reunión era a incorporación dos novos membros desta Xunta; en concreto, o Subdelegado do Goberno, Antonio Coello, o asesor da Subdelegación, Alberto Seoane Rioboo, e a responsable da Unidad de Violencia de Xénero da Subdelegación do Goberno, María Paz Pérez Asorey.

No decurso da reunión foron analizados outro aspectos sobre a seguridade no noso municipio, amosando os presentes a súa satisfacción pola reducción dos índices de delictos no noso concello en todos os ámbitos abordados; foi analizado tamén o traballo a desenvolver no ámbito da violencia de xénero, analizando os protocolos de procedemento neste tema e no control das persoas condenadas por este tipo de delictos, etc.

Tanto o Subdelegado do Goberno como o Alcalde de Tui expresaron ao final desa xuntanza a súa satisfacción polo positivo grado de colaboración e mesmo coordinación logrado entre as diversas forzas de seguridade con competencia na nosa cidade, garantido a continuidade e afondamento deste proceso de mutua implicación que repercute positivamente da reducción no número de delictos na nosa cidade que garante unha maior índice de seguridade para os cidadáns de Tui.