Mañá mércores, 16 de decembro, ás 18 h na Sala de Exposición de Municipal, na Área Panorámica, terá lugar a inauguración da exposición “O Tui (in)visible” do fotógrafo Loty. A mostra está organizada polo AMIT, o Arquivo Municipal da Imaxe de Tui, con fondos procedentes do Arquivo Histórico Provincial de Lugo.

Os novos casos diagnosticados en Tui de COVID19 nos últimos 14 días son 43, segundo os datos publicados esta mañá por Sanidade.

En Tui continúa o peche perimetral e as restricións máximas:

• Hostalería aberta ata as 17 h co 50% de aforo no exterior
• Agrupacións de máximo 4 persoas

+ información

O salón de sesións da casa do concello acolleu esta tarde o acto de entrega dunha placa honorífica a cinco integrantes da Agrupación de Voluntarios de Protección Civil de Tui. O Concello de Tui recoñeceu deste xeito o labor que desenvolveron durante o estado de alarma María Fernanda Esteves Abreu, Isaac Estévez Carballal, Juan Manuel González Estevez, Adolfo Pérez Paramos e Alberto Solleiro Álvarez.

Dende o Concello de Tui faise un chamamento especial á responsabilidade durante esta fin de semana no cumprimento das medidas restritivas establecidas ante a situación epidemiolóxica do municipio. 

Tui está a ser obxecto dunha vixilancia especial por parte do subcomité clínico de expertos que fai seguimento á evolución da covid-19 en Galicia ante a evolución epidemiolóxica no termo municipal.

“En Nadal Tui QuereTui” é o lema da campaña de bonos agasallo presentada esta mañá na Casa do Concello de Tui. 
Na presentación participaron o alcalde de Tui, Enrique Cabaleiro, a concelleira de Comercio, Ana Mª Núñez, o presidente de ACITUI, Juan Carlos Blanco, o representante de EMPRETUI, Abel Vila, o presidente da Asociación de empresarios/as de Areas, Giorgio Casoni, e interviu Jesús Vaz e Manuel González da empresa Coplegal S.L.

Mañá venres, ás 11 h , na casa do concello de Tui terá lugar a presentación da campaña de bonos de agasallo “En Nadal Tui #Queretui”. A presentación correrá a cargo do alcalde de Tui, Enrique Cabaleiro, da concelleira de Comercio, Ana Mª Núñez, xunto a representantes das asociacións de comerciantes e hostaleiros ACITUI e Empretui, e da Asociación de empresarios/as de Areas. Tamén estarán presentes os dous empresarios dos que partiu a iniciativa Jesús Vaz e Manuel Gómez de Coplegal SL.

Ás 00 h deste venres, 4 de decembro, entrará en vigor unha suavización das restricións en Galicia segundo avanzou a Xunta de Galicia.

Tui continúa no nivel máximo de restriccións fixado para aqueles concellos de máis de 10.000 habitantes con incidencia acumulada a 14 días igual ou maior de 250.

O Consorcio de Augas do Louro, iniciará nos próximos días as obras de reparación da estrada no Camiño da Veiga, preto da Ponte do Louro.

As obras consistirán na reconstrución da pendente, beirarrúa e calzada caídas a consecuencia das intensas choivas e o desbordamento do río Louro producidas durante o temporal Cecilia en novembro de 2019.

O importe dos traballos ascenderá a 39.083,93 €.

Deixar o pasado atrás para comezar a ser a persoa que se quere ser. Iso foi o que supuxo para as participantes desta primeira edición do obradoiro de Eu Rural aqueles días nos que compartiron alegrías, bagoas, historias…. Agora os testemuños destas mulleres aparecen recollidos nun vídeo documental que se estreará este 25 de novembro, Día Internacional contra a Violencia de Xénero, de forma simultánea nas redes sociais de todos os concellos que integran o territorio do Grupo de Desenvolvemento Rural.

Mañá venres, 20 de novembro, ás 10.45 h na Oficina de Turismo na praza de San Fernando terá lugar a presentación da guía do Camiño Portugués en Tui. 

Estarán presentes o alcalde de Tui, Enrique Cabaleiro, o concelleiro de Turismo, Laureano Alonso, e o debuxante, Andrés Lamas.