O Concello de Tui está a realizar xestións ante distintas entidades, públicas e privadas, para buscar o xeito máis sinxelo de facilitar aos afectados pola explosión rexistrada hai unha semana en Paramos a realización de distintos trámites.

O alcalde de Tui, Carlos Vázquez Padín, solicitará mañá compromisos económicos á administración central e provincial, xa que polo momento só hai o compromiso firme da Xunta e do Concello para financiar a recuperación da zona afectada o pasado mércores pola explosión de material pirotécnico en Paramos, xa que dicía “son necesarios moitos millóns de euros para reestablecer á normalidade”. Indicaba nese senso que só o desescombro custará máis dun millón de euros.

A xunta de portavoces do Concello de Tui reunida este mediodía na casa do concello consensuou levar a o pleno ordinario deste xoves a aprobación dun millón de euros, con cargo ao remanente de tesourería, para o Fondo de Emerxencia tras explosión rexistrada o pasado mércores na parroquia de Paramos.

Os voceiros políticos estiveron de acordo en que a distribución destes fondos se realice en coordinación cos Servizos Sociais Comunitarios municipais, destinándose en primeiro lugar para cubrir as necesidades básicas de alimentos, roupa, transporte... dos afectados.

Un total de 692 persoas afectadas e 325 expedientes de incidencias aberto son os que até á unha desde mediodía tiña o Centro de Atención aos Afectados  situado no Centro de Formación Municipal.

En relación a los fatales acontecimientos que se han producido el pasado miércoles 23 de mayo, el Concello de Tui tiene interés en informar sobre la situación urbanística del expediente relativo a la parcela en la que oficialmente la entidad Pirotecnia La Gallega S.L. tiene su domicilio social en el Barrio da Igrexa s/n, Parroquia de Baldráns.

A partir de mañá sábado, 26 de maio, o centro de atención aos afectados pola explosión de material pirotécnico o pasado mércores, 23 de maio, no barrio da Torre en Paramos estará situado no Centro de Formación Municipal, na Gándara en Guillarei.  Neste punto continuarase a atender a todos os afectados por parte de traballadores sociais, psicólogos, persoal técnico... mañá sábado de 9 a 14h e de 16 a 20h e o domingo de 9 a 14h, e dende o luns de 9 a 14h e de 16 a 20h.

Habilitouse unha conta de correo de correo electrónico de atención aos afectados e para canalizar as axudas da explosión da pirotecnia. O enderezo é afectadostui@concellotui.org.

Lembramos que o Centro de Atención aos afectados está situado no Centro de Formación en Guillarei. O teléfono de contacto é o 986 60 39 49.

A corporación municipal de Tui celebrará mañá ás 20h pleno extraordinario urxente para ratificar os tres días de loito de oficial logo do suceso acaecido no día de onte na parroquia de Paramos, no que faleceron dúas persoas e unha trintena resultaron feridas. Este será o primeiro punto desta sesión plenaria, na que no segundo punto se realizará unha declaración institucional.

Como testemuña da dor dos cidadáns de Tui ante a explosión ocorrida no día de onte na parroquia de Paramos de Tui, e recollendo o sentir deste Concello polas vítimas e perdas sofridas.
Esta alcaldía, no uso das competencias que lle confire a lexislación vixente en materia de réxime local,

RESOLVE:

PRIMEIRO.- Declarar tres días de loito oficial que comprenderán dende as 10:00 horas do día 24 de maio de 2018 ata as 10:00 horas do día 27 de maio de 2018, durante os cales as bandeiras da Casa Consistorial, ondearán a media asta en sinal de loito.

A elaboración de cartografía Six, ortofotodixital, e rede topográfica do municipio é o proxecto de maior importe, 90 mil euros, solicitado polo Concello de Tui ao abeiro do Plan Concellos 2018-19 da Deputación.  En concreto foron presentados trece proxectos de investimento por un importe total de 752.383,38 dentro da liña 1.