O Concello de Tui mellorará o camiño que une as parroquias de Guillarei e Paramos con acceso ao Monte das Penizas

O Concello de Tui vai mellorar a pavimentación do camiño rural que une as parroquias de Guillarei e Paramos con acceso ao Monte das Penizas. O investimento ascenderá a preto de 60 mil euros dos que 50 mil son aportados pola Xunta de Galicia a abeiro de Plan Marco, Plan  de mellora de camiños  municipais  2017 -2018.

Segundo o proxecto a actuación a realizar será a pavimentación do vial que da acceso ao monte das Penizas e une as parroquias de Guillarei e Paramos, homoxeneizando o pavimento e mellorando a seguridade vial nunha superficie de 2905 m2.