Pronóstico de Tutiempo.net
Facebook Twitter Vimeo Instagram Youtube

Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados. 

Tui festexará a San Telmo cun amplo e innovador programa

Undefined

Tui vai celebrar as Festas de San Telmo 2022 do 16 ao 25 deste mes de abril cun programa “ambicioso, moi completo e innovador”. Así o explicaba esta mañá o alcalde, Enrique Cabaleiro, na presentación dos festexos patronais, na que participaron tamén a concelleira de Cultura, Sonsoles Vicente, a concelleira de Comercio, Emprego, Formación e Igualdade, Ana Núñez, o concelleiro de Medio Rural e Deportes, Rafael Estévez, e o concelleiro de Seguridade e Persoal, José Ramón Magán.

Sesión vermú con música os sábados e domingos de marzo na rúa Compostela

Undefined

Dinamizar a zona e impulsar a actividade dos locais de hostalería é o obxectivo da iniciativa “Vermuteando na Compostela” posta en marcha polo Bar Amazonas, Entre Horas, Puro Sabor e Xeitoso coa colaboración do Concello de Tui e de EMPRETUI

Os sábados e domingos deste mes de marzo, dende ás 12h, estes catro locais crean unha ruta na que se poderá degustar un vermú acompañado dun pincho e coa ambientación musical de dj`s.  Entre todas as persoas que ao longo do mes disfruten da iniciativa sortearase unha estancia en Cantabria, e outra nas Cabanas da Ulla.

O Concello de Tui presente na comisión galega que viaxou ao Sáhara para coñecer in situ a situación e necesidades do pobo saharauí

Undefined

. O Concello de Tui formou parte da comisión galega que a semana pasada viaxou aos campamentos de refuxiados saharauís da man de SOGAPS, Solidariedade Galega co Pobo Saharauí.  O concello tudense estivo representado pola concelleira de Emprego e Igualdade, Ana María Núñez.

O Concello de Tui pon en marcha un novo servizo de recollida de cartón e papel para o comercio, a hostalería e a industria

Undefined

O Concello de Tui vén de pór en marcha un novo servizo de recollida de papel e cartón porta a porta co obxectivo de contribuír á reciclaxe destes produtos por parte dos establecementos comerciais, hostaleiros, e a industria local.

Con esta iniciativa búscase por unha parte axudar aos e ás comerciantes e hostaleiros na separación e reciclaxe dun material coma o papel e cartón, do que xeran importantes cantidades nos seus negocios. Coa recollida específica para eles búscase non colapsar os contedores azuis deixando o seu uso preferente para a cidadanía.

Reunión co comercio local

Undefined

Hoxe luns, 31 de xaneiro, ás 19 h terá lugar unha reunión a través de Zoom dirixida ao comercio local. O obxectivo é informar do novo servizo de recollida porta a porta de papel e carton dirixido aos establecementos comerciais no que se está a traballar. 

Datos de acceso á reunión: 

Unirse á reunión Zoom

https://zoom.us/j/99332499111?pwd=aktNYURsZXBkdk1sTXpDcUQzZlk4QT09

ID de reunión: 993 3249 9111

Código de acceso: 7WHuLc

Concedidas 85 axudas a autónomos e pequenas empresas ao abeiro do programa Reactiva II que suman máis de 90 mil euros

Undefined

O Concello de Tui vén de conceder 85 axudas a autónomos e pequenas empresas ao abeiro do programa Reactiva II  para facer fronte aos efectos da COVID 19.

A comezos de mes  a Xunta de Goberno Local aprobou un paquete de 85 axudas correspondentes á segunda convocatoria de axudas para traballadores por conta propia e autónomos societarios cuxa actividade sufrira unha caída na facturación superior ao 30 % durante a pandemia. O importe total destas achegas ascende a 90.710,11 euros.

Páxinas

Subscribirse a RSS - Comercio e Mercado