Esta semana comezaron as obras para a apertura da rúa Ourense, un proxecto longamente demandado pola cidadanía ao longo das últimas décadas que poderá ser unha realidade no primeiro trimestre de 2019.

As obras foron adxudicadas polo Concello de Tui á empresa Narom S.L. por importe 220.582,77€, e teñen un prazo de execución de 3 meses.

O Concello de Tui está a realizar estes días o asfaltado do camiño entre As Chans e Os Muíños na parroquia de Randufe En concreto trátase dun investimento de 59.899,42€ dos que 49.503,65€ son aportados pola Xunta de Galicia dentro do Plan Marco de Mellora de Camiños Municipais 2018/2019 financiado polo AGADER.

A actuación comprende unha superficie de 3.840 metros cadrados ao longo de 850 metros do camiño onde se está a mellora a pavimentación.

O alcalde de Tui, Carlos Vázquez Padín, xunto aos arquitectos Leando Nogueira e Ángel Matilla de Nam Arquitectos, presentaron este mediodía o anteproxecto de reordenación urbana do espazo da traseira da Área Panorámica como zona verde. Tamén estiveron presentes os concelleiros do equipo de goberno Antonio Castro, Estrella Muradás, Mila González e Eduardo Freiría.  

O concello de Tui informa a través da concellería de Seguridade, Tráfico e mobilidade, presidida polo concelleiro Antonio Castro Negro, que mañá mércores, 1 de agosto, entrará en vigor a reordenación do tráfico na rúa Casal Aboy que consistirá principalmente no establecemento de aparcamentos en fila a ambos lados da calzada e un único carril de circulación polo centro da vía, co que se busca evitar o estacionamento en dobre fila.

O Concello de Tui sacou a licitación as obras de apertura da prolongación da rúa Ourense en sentido sur. O orzamento base de licitación ascende a 314.310,01 euros e o prazo de execución é de 4 catro meses.  As obras realizaranse conforme ao proxecto redactado polo enxeñeiro Roberto Aya en maio de 2016. As empresas interesadas teñen ata o 23 deste mes de xullo ás 23.59 h para presentar as súas ofertas.

A Xunta de Goberno Local do Concello de Tui concedeu esta semana á Vicepresidencia e Consellería da Presidencia, Administracións Públicas e Xustiza da Xunta de Galicia a licenza municipal de rehabilitación, reforma e cambio de uso do edificio situado na praza de Galicia, que anteriormente se destinaba a centro de saúde. O orzamento de execución de obra supera o 1,4 millóns de euros.

Esta mañá remitiuse dende o Concello de Tui unha memoria valorada ao Ministerio de Fomento, a través da subdelegación do goberno en Pontevedra no que se solicita a transformación da Avenida de Portugal dende a vella Ponte Internacional até o cruzamento cara o cruce da Guarda e a rúa Tenencia.

O Concello de Tui dirixiuse á Demarcación de Estradas do Estado en Galicia, dependente do Ministerio de Fomento, solicitando a revisión e mellora dos datos incluídos nos paneis informativos situados na autovía A55 e ao seu paso polo termo municipal de Tui.

En concreto dende o concello solicítase a instalación de paneis turísticos  reflectindo o conxunto histórico de Tui, declarado coma tal en 1967, e que forma parte do catálogo SISTHO dende 1998.

O alcalde de Tui, Carlos Vázquez Padín, emitiu un bando no que se lembra da obriga dos propietarios de terreos, construcións, edificios e instalacións de conservalos en condicións de seguridade, salubridade, accesibilidade e ornato.

Este domingo, 1 de abril, comezará a prestar o seu servizo a nova empresa adxudicataria do Servizo de Limpeza Viaria no Concello de Tui. Tras o proceso de licitación resultou adxudicataria do servizo General de Asfaltos y Servicios, S.L. (GEASER) por un importe de 210  mil €/ano. O período do contrato será de 4 anos. Deste xeito  regularízase a situación deste servizo e se amplía a cobertura do mesmo á práctica totalidade do casco urbano, segundo explica o concelleiro de Limpeza Antonio Castro.