Tui oferta 16 visitas guiadas temáticas ata finais de ano
A primeira terá lugar mañá sábado ás 19.15h por “A cidade barroca”
Tui oferta 16 visitas guiadas temáticas durante os meses de novembro e decembro, continuando así os percorridos culturais gratuítos que se iniciaron no verán organizados polo Concello de Tui e nos que levan participado máis de 3 mil persoas.
A primeira cita, nesta nova proposta, será mañá sábado, 11 de novembro, baixo o título “A cidade barroca” na que durante sesenta minutos se percorrerán os espazos que transformaron a cidade nos séculos XVI e XVIII coma o convento de San Francisco, o convento das Clarisas, a igrexa de San Telmo, ou o hospital de pobres e peregrinos no edificio que actualmente ocupa o Museo Diocesano.
A próxima fin de semana o sábado 18 realizarase a visita cultural “Arquitectura educativa en Tui” e o domingo 19 “A cidade histórica”. Mentres que o título dos percorridos a última fin de semana de mes serán “A cidade burguesa do século XIX” e “As antigas fortificacións románicas”.
No mes de decembro son un total de once as visitas que se van levar a cabo. O venres 1 “Cidade histórica”, o sábado 2 “As murallas medievias”, o domingo 3 “Cidade medieval”, o martes 5 “As rúas gremiais da cidade”, o mércores 6 “O criptoxudaísmo en Tui”, o xoves 7 “Arquitectura carceraria na cidade histórica”, o venres 8 “Comuna xudía medieval”, o sábado 9 “As prazas públicas da cidade histórica”, e o domingo 10 “Cidade medieval”. Por último o venres 15 realizarase a visita “Cidade histórica” e a derradeira será o sábado 16 “A arte e o Nadal en Tui”.
Todas as visitas sairán ás 19.15h dende a praza da Inmaculada e terán unha duración aproximada dunha hora.
Visitas Culturais nocturnas
Punto de saída: Praza da Inmaculada
Horario: 19.15h
Novembro
- Sábado 11 – A cidade barroca
- Sábado 18 – Arquitectura educativa en Tui
- Domingo 19 - A Cidade Histórica
- Sábado 25– A cidade burguesa do século XIX
- Domingo 26 – As antigas fortificacións románicas.
Decembro
- Venres 1 – Cidade histórica
- Sábado 2 – As murallas medievais
- Domingo 3 – Cidade medieval
- Martes 5 – As rúas gremiais da cidade
- Mércores 6 – O criptoxudaísmo en Tui
- Xoves 7 – Arquitectura carceraria na cidade histórica
- Venres 8 – Comuna xudía medieval
- Sábado 9 – As prazas públicas da cidade histórica
- Domingo 10 – Cidade medieval
- Venres 15 – Cidade histórica
- Sábado 16 – A arte o Nadal en Tui
