Tui despide o ano con música, a Coral da S.I. Catedral de Tui e a Banda de Música Popular de Tui protagonizan o concerto de fin de ano o mércores ás 21h no Teatro Municipal
Tui despide o ano con música
A Coral da S.I. Catedral de Tui e a Banda de Música Popular de Tui protagonizan o concerto de fin de ano o mércores ás 21h no Teatro Municipal
Luns, 28 de decembro de 2009. Tui pecha a súa programación cultural de 2009 con música. Será este mércores, 30 de decembro, ás 21h no Teatro Municipal de Tui. A Concellería de Cultura volve confiar a despedida do ano a dúas agrupacións locais coma son a Coral da S.I. Catedral e a Banda de Música Popular de Tui.
As entradas están á venda na web www.culturatui.info até o mércores ás 17.30h, ou o mércores dende ás 19.30h no despacho de billetes da Área Panorámica, ao prezo único de 2€.
A Coral da S.I. Catedral de Tui actuará en primeiro lugar acompañada ao órgano por Don Ángel Viro Caamaño e baixo da dirección de Don Agustín Sobral.
Interpretarán:
- Cantet Chorus Angelorum................. Manuel Posse
- Oh, Blanca Navidad........................... Irving Berlin
- AyLascia Ch'io Pianga ...................... G.H. Händel (aria da ópera "Rinaldo)
- Señor, me cansa la vida.................... J.A. Garo. Poema de A. Machado
- Preciosa (Boriquen).........................Rafael Hernárdez
- El Condor Pasa .................................Daniel A. Robles.
Armonización Camilo Paz
- Tui, mira si te querré...................... Ricardo Guirao
(Adaptación Letra Agustín Sobral)
A Banda de Música Popular de Tui estará baixo a batuta de D. Adolfo Besada.
Interpretarán:
- Bellreguart
- Sangre Española
- Piratas del Caribe
- Mallet Percusión
- Voces de primavera
- Danubio Azul
- Marcha Radesky
Rematarán interpretando conxuntamente:
- Nabucco .................................................... G. Verdi
- Adeste Fidelis ............................................ Arr. Penders.
Deste xeito a Concellería de Cultura pecha 12 meses de actividades culturais na cidade nos que tiveron cabida o teatro, a danza, a música,... tanto en espectáculos infantís coma para todas as idades. Un ano máis o público ten refrendado a labor realizada dende o Departamento de Cultura situando o Teatro Municipal nos primeiros postos na lista de espectadores de Galicia.
Dende a Concellería trabállase xa na programación a realizar en 2010 co obxectivo de manter a liña iniciada dunha programación estable e de calidade, que ten consolidado a Tui coma un punto de referencia cultural non só na cidade senón na comarca do Baixo Miño, no Sur de Pontevedra e tamén para o Norte de Portugal.
O Concelleiro de Cultura, Moisés Rodríguez, aproveita para facer unha invitación especial ao Concerto de Fin de ano co que se porá o broche dourado a actividade cultural de 2009.
CONCERTO DE FIN DE ANO
Coral da S.I. Catedral e Banda de Música Popular de Tui
Data e hora: Mércores, 30 de decembro ás 21.00 h
Lugar: Teatro Municipal de Tui na Área Panorámica
Entrada: 2€
Venda de localidades: Na web www.culturatui.info até o mércores ás 17.30h, ou mércores dende ás 19.30h no despacho de billetes da Área Panorámica.