Presentación da programación cultural do primeiro semestre de 2019

O próximo martes, 29 de xaneiro, ás 11 h na sala de reunións da casa do concello de Tui terá lugar a presentación da programación cultural do primeiro semestre de 2019 recollida nun novo número da Axenda Corredoira Cultural. Esta proposta inclúe tanto os espectáculos programados no Teatro Municipal coma os eventos que se van desenvolver na rúa no primeiro semestre.

A presentación correrá a cargo do  alcalde de Tui, Carlos Vázquez Padín, do concelleiro de Cultura, Eduardo Freiría, o director da AGADIC, Jacobo Sutil, xunto a Hamilton e Elisa Alfaya, da compañía “A maxia de Ian&Elisa” e  Eduardo Rodríguez “Tatán” de Tanxarina.

A programación deste 2019 no Teatro Municipal abrirase co espectáculo “O servidor de dous amos” de Talia Teatro previsto para o venres 1 de febreiro ás 21.30h. As entradas en www.culturatui.info están xa á venda.