O Meixón do Miño protagonista gastronómico de Tui até o 29 de abril
O sábado tivo lugar a presentación do evento en Ourense
O pasado sábado arrancaba en Tui a Festa do Meixón que se prolongará até o 29 de abril coincidindo coas festas de San Telmo. Trala presentación realizada o pasado venres en Tui, o sábado o alcalde de Tui, Carlos Vázquez Padín, xunto o concelleiro de cultura, Eduardo Freiría, desprazáronse até o Concello de Ourense para presentar tamén alí este festexo gastronómico xunto ao alcalde de Ourense, Jesús Vázquez, co obxectivo de promocionar o evento tamén a nivel galego.
O alcalde de Tui, Carlos Vázquez Padín, deu conta dos pormenores dun festexo que potencia un dos produtos gastronómicos da cidade, e que se suma o atractivo turístico de Tui xunto ao seu patrimonio, natureza e cultura. O alcalde de Ourense, Jesús Vázquez, convidaba a todos os ourensáns a “desfrutar da riqueza gastronómica de Tui, acompañada dun bo viño como terra de viños que é Galicia”.
A Festa do Meixón estase a celebrar en seis restaurantes no Asador Paulo, O Novo Cabalo Furado, Cruceiro do Monte, El Molino, La de Manu, e o Parador de Turismo San Telmo. Nos mesmos poderase desgustar unha ración de meixón, en cazola conmemorativa, con pan e unha copa de viño da adega Vimbio por un prezo 55€.