En xaneiro comezará un novo curso de Deshabituación Tabáquica en Tui
O prazo de inscrición está aberto ata o 21 deste mes. É preciso contar cun número mínimo de 12 inscritos
O Departamento de Prevención de Drogodependencias do Concello de Tui en colaboración coa Asociación Española Contra o Cancro, levará a cabo un ano máis un curso de Deshabituación Tabáquica.
Trátase dun programa de axuda específica e personalizada para facer fronte ao complexo proceso de abandono, que brinda apoio técnico, consellos, compañía e recompensas. Vense celebrando en Tui dende 2010.
O curso consta de 7 sesións cunha duración de hora en media cada unha, impartidas en horario de tarde. Durante o mes de xaneiro farase unha primeira entrevista coa terapeuta, e xa o curso propiamente dito dará comezo o día 24 de xaneiro na Área Panorámica.
Para impartir o curso é preciso contar cun número mínimo de 12 persoas, e coma máximo con 16. En anos anteriores téñense cuberto todas as prazas, e o 70% dos participantes deixaron de fumar.. As persoas interesadas, que deben ser maiores de 18 anos, pódense inscribir ata o 21 deste mes nas dependencias de Servizos Sociais, no correo paula.ssociais@concellotui.org ou no teléfono 986 60 36 25.