IV Mostra da Camelia Cidade de Tui
IV Mostra da Camelia Cidade de Tui celebrarase o sábado 19 e o domingo 20 de xaneiro na Área Panorámica de Tui. Está organizada por ATUCA, Amigos Tudenses da Camelia, coa colaboración do Concello de Tui, Deputación de Pontevedra e Sociedade Española da Camelia.
O acto inaugural será o sábado ás 12.15h no Teatro Municipal. No mesmo farán entrega dunha camelia aos máis de 80 expositores de toda Galicia, Asturias e Portugal que achegarán centos de variedades desta flor. Tamén aos participantes e gañadores do II Concurso de Debuxo e Poesía.
Mentres a mostra desenvolverase na Sala Municipal de Exposicións con horario de visita o sábado de 16.30h a 21h e o domingo de 10 a 14 e de 16 a 20h.
Están previstas outras actividades coma un Obradoiro de Té para dar a coñecer o té galego o sábado ás 17.45h na Sala Félix Rodríguez. Será impartido pola presidenta da Sociedade Española da Camelia.
O domingo, tamén na sala Félix Rodríguez, ás 17.30h haberá unha charla coloqui sobre a vespa velutina e a preparación de trampas.
Tamén estarán expostos os traballos premiados participantes no II Concurso de Debuxo e Poesía convocado por ATUCA co lema “Camelia, Flor na invernía Galega”. Participou o alumnado de Primaria dos centros educativos tudenses.
Tui – IV Mostra da Camelia Cidade de Tui
- Lugar: Sala de Exposicións Municipal
- Horario:
- Sábado 19 de 16.30h a 21h
- Domingo 20 de 10 a 14h e de 16 a 20h.
- Actividades:
- Sábado
- Ás 12.15h inauguración no Teatro Municipal
- Ás 17.45h Obradoiro de Té para dar a coñecer o té galego na Sala Félix Rodríguez. Impartido pola presidenta da Sociedade Española da Camelia.
- Domingo ás 17.30h na sala Félix Rodríguez charla coloquio sobre a vespa velutina e a preparación de trampas.
- Sábado
- Organiza: ATUCA, Amigos Tudenses da Camelia