Fantoches Baj con “Os romeiros do caracol”
Data:
30/07/2020
Lugar:
Paseo da Corredoira
Fantoches Baj presenta o xoves, 30 de xullo, ás 21 h o espectáculo "Os romeiros do caracol" no Paseo da Corredoira. Terá capacidade para 100 persoas previa reserva de entrada en www.enterticket.es.
Trátase dun espectáculo de monicreques e música no que Inacio Vilariño, director, actos e manipular, e Carlos Quintá, músico, achégannos ás historia do camiño de San Andrés de Teixido baseándose na obra "Romarías e Santuarios de Galicia" de Antón Fraguas. Monicreques, cartel de cego, máscaras, reque-reque e un limberjack son algúns dos recursos que empregan xunto a unha escenografía dun enorme caracol no que se cantan e contan as lendas de San Andrés.
ENTRADAS
- Reserva de entradas en www.enterticket.es dende ás 12 h do luns 27 de xullo. Máximo 3 entradas por persoa
- Acceso ao espectáculo 30 minutos antes do inicio, por orde de chegada
- As entradas non validadas 10 minutos antes do inicio do espectáculo poderán reasignarse a outra persoa
PROTOCOLO COVID19
- Desinfección de mans con xel hidroalcohólico no acceso.
- Obrigatorio o uso de máscara. Só se poderá sacar unha vez sentado.
- Débese ocupar a cadeira asignada, non se poderá cambiar de emprazamento nin de cadeira. Débese permanecer sentado até o remate do espectáculo
- A entrada e saída realizarase polo percorrido indicado. En todo momento seguiranse as indicacións do persoal
- As e os menores deben permanecer acompañados en todo momento