Pronóstico de Tutiempo.net
Facebook Twitter Vimeo

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Festival Folclórico Festas de San Telmo 2019

O Teatro Municipal de Tui acolle o domingo, 21 de abril, ás 18 h o Festival Folclórico Festas de San Telmo.

Participan os grupos Seixos Albos de Areas, Lembranzas da Terra de Guillarei, Inquedanzas de Pazos de Reis, O Mosteiro de Pexegueiro, Xuntanza de Randufe, San Fins de Rebordáns, Santa Columba de Ribadelouro, e o grupo de baile Saragana da Asociación Cultural e Xuvenil do Traxe Tradicional de Tui.

A entrada será de balde. 

XV Play-Doc Festival Internacional de Documentais de Tui

Do 3 ao 7 de abril celébrase o XV Play-Doc Festival Internacional de Documentais de Tui

Play-Doc cumpre 15 edicións. Ao longo destes anos o festival converteuse nun dos eventos culturais con maior prestixio de Galicia e nunha referencia indiscutible entre os festivais de cinema que se realizan en España. Cada edición, cineastas de todo o mundo visitan Tui para compartir a súa obra cos miles de espectadores que enchen as salas do teatro.

XXXII Desfile – Concurso de Comparsas e Grupos

XXXII Desfile – Concurso de Comparsas e Grupos de Entroido celebrarase o domingo 17 de marzo, ás 17:30 nas rúas Casal Aboy e Compostela, logo de ser aprazado polas adversas condicións meteorolóxicas o pasado 5 de marzo.   

Miles de persoas ateigarán as rúas novas da cidade parar participar ou presenciar o Desfile Concurso de Entroido. Crítica, sátira, bo humor e enxeño serán elementos comúns nos disfraces das comparsas que percorrerán o circuíto establecido. 

Redrum Producciones de Santiago de Compostela con "Invisibles"

Redrum Producciones de Santiago de Compostela presenta o venres, 15 de febreiro, ás 21.30h no Teatro Municipal de Tui "Invisibles".

Historias reais de mulleres galegas vítimas de malos tratos unidas polo fío común da violencia de xénero. Unha reflexión sobre o perfil das mulleres que sofren, sufriron, esta lacra e sobre a invisibilidade dos agresores fronte á exposición delas na sociedade.

Elefante Elegante de Culleredo con "Patapatúm"

Elefante Elegante presenta no Teatro Municipal de Tui "Patapatúm" o venres 8 de febreiro ás 20h.

Sorpresa e emoción tras cada agasallo, tras cada xoguete, que cambia a faciana de nenos e nenas, pero... temos os adultos tempo de xogar con eles e compartir a súa fantasía?  Patapúm crea un universo cómico e reflexiona sobre a realidade entre pais/nais e fillos/as.

Páxinas

Subscribirse a RSS - Cultura