Facebook Twitter Vimeo Instagram Youtube

Enrique Cabaleiro González foi investido alcalde de Tui o sábado, 17 de xuño de 2023.

Casa do Concello. Praza do Concello 1. 36.700 Tui

986 60 36 43 | contacto.alcaldia@tui.gal

Pleno extraordinario urxente da corporación municipal o luns 30 de outubro as 20 h

Undefined

A corporación municipal de Tui celebrará pleno extraordinario urxente o próximo luns, 30 de outubro, ás 20 h coa seguinte orde do día:

ORDE DO DÍA

A) Parte resolutiva:

1º. Pronunciamento do Pleno sobre a urxencia da sesión.

2º. Expediente 31/2023. Contrato de obras. Reforma da Praza de Abastos/Mercado de Tui (Plan de Recuperación, Transformación y Resiliencia - Financiado por la Unión Europea – NextGenerationEU.)

A comisaria europea Elisa Ferreira visita Tui para coñecer de primeira man os proxectos de cooperación transfronteiriza Galicia-Norte de Portugal

Undefined

Tui e Valença son un exemplo de cooperación transfronteiriza. Hai dez anos constituíronse na primeira Eurocidade desta zona do Miño, pero a colaboración entre ambos municipios é histórica, ao igual que as relacións entre a poboación das súas marxes do río. O propio Camiño de Santiago, do que Tui é a porta de entrada en Galicia dende Portugal, ten sido ao longo dos séculos un exemplo de cooperación.

 

Executadas obras de mantemento na Escola Infantil Galiña Azul

Undefined

As instalacións da Escola Infantil Galiña Azul  foron obxecto de obras de mantemento no inicio do curso escolar, para que alumnado, profesorado e familias poidan empregar estas instalacións nas mellores condicións.

O Concello de Tui, a través da concellería de Servizos Sociais, e o Consorcio Galego de Servizos de Igualdade e Benestar, teñen executado obras diversas de mantemento na Escola Infantil Galiña Azul dando cumprimento ás actuacións previstas para a anualidade de 2023. 

Protección Civil de Tui organiza unha festa solidaria a favor das asociacións Un Máis e 1p36

Undefined

A Agrupación de Voluntarios de Protección Civil volve amosar a súa vertente máis solidaria coa organización dunha festa a favor das asociacións Un Máis e Síndrome de Deleción 1p36 que se vai celebrar o sábado, 16 de decembro, ás 20 h na Sala Metropol de Tui.

Continúan así a liña iniciada hai dous anos coa organización de eventos solidarios coincidindo coas festas do Nadal, e que nas dúas edicións anteriores contaron cunha gran acollida por parte do público, así coma dos establecementos locais que colaboran tamén nestas iniciativas.

A totalidade das parroquias tudenses contan con sesións de “Cultiva a mente” nas que participan preto de 180 de persoas

Undefined

Baldráns e Paramos son as dúas parroquias tudenses que esta temporada se incorporaron ao programa “Cultiva a mente” organizado polo Concello de Tui, co que o mesmo chega a totalidade do municipio.  Son preto de 180 persoas as que participan nesta iniciativa, realizada en colaboración con AFAGA, que promove un envellecemento activo, a socialización e traballa na prevención.

Tui e Versmold celebran dez anos irmandade estudando novos eidos de colaboración cara ao futuro

Undefined

O acordo de irmandade entre Tui e a cidade alemá de Versmold goza de moi boa saúde tanto a nivel social coma institucional. Así quedou reflectido na viaxe que a pasada fin de semana realizaron a Alemaña o alcalde de Tui, Enrique Cabaleiro, e o concelleiro de Deportes, Rafael Estévez, e na que tamén participaron representantes do Tyde e veciñanza tudense. Devolveron así a visita que en abril, coincidindo coas festas de San Telmo realizou unha delegación de Versmold a Tui encabezada polo burgomestre Michael Meyer-Hermann.

A rúa Ricamonde pasará a ser de sentido único cara ao Anxo

Undefined

A rúa Ricamonde pasará a ser de sentido único de circulación cara ao Anxo, e contará cunha senda peonil. Así se acordou hai unhas semanas na reunión mantida coa veciñanza da zona.

Para proceder a este cambio na circulación hoxe comezan as obras de pintado da sinalización horizontal, e procederase á colocación da sinalización vertical. O obxectivo desta actuación, que se executa con fondos propios, e aumentar a seguridade peonil, xa que actualmente a rúa presenta unha carril de circulación moi estreito, e que con dobre sentido puña en risco aos viandantes.

O Consorcio de Augas do Louro deseña o xemelgo dixital das redes de abastecemento de Tui, Salceda de Caselas, O Porriño e Mos

Undefined

O Consorcio de Augas do Louro presenta o xemelgo dixital da rede de abastecemento. Trátase dunha copia nunha contorna dixital da rede de abastecemento de auga real que conforman os concellos de Tui, Salceda de Caselas, O Porriño,e Mos e que permite analizar o funcionamento de toda a rede detectando problemas, á vez que incorpora escenarios futuros representando o seu comportamento hidráulico.

Páxinas

Subscribirse a RSS - Alcaldía