Festas de San Telmo no Teatro Municipal

O Concello de Tui asume por segundo ano consecutivo a organización das festas patronais da cidade nunha aposta por uns festexos cun marcado carácter popular, para vivir e desfrutar na rúa, que sexan espazo de encontro entre os tudenses e os visitantes e que ao tempo sexan un escaparate de todo o que Tui ofrece patrimonio, natureza, cultura, deporte... As actividades previstas conxugarán un programa festivo, a celebrar ao longo de dez días, no que haberá unha ampla oferta para todos os públicos.