Recepción aos remeiros Rodrigo Conde e Carlota González
3/08/2018
O próximo luns, ás 11h, terá lugar unha recepción no salón de sesións da casa do Concello de Tui aos remeiros do Club Remo do Miño Rodrigo Conde Romero e Carlota González Gil.
Rodrigo Conde vén proclamarse Campión do Mundo de Remo Olímpico na modalidade dobre Scull Sub 23 peso lixeiro na localidade polaca de Poznan.
Carlota González gañou dúas medallas (prata e bronce) na Copa da Xuventude, celebrada en Cork (Irlanda), onde competiu nas disciplinas catro-scull e oito con temoneiro.