Cumprimento do horario de peche na fin de semana en Tui
A Policía Local propuxo dúas sancións por non usar a máscara
A vixilancia do cumprimento do horario de peche na hostalería centrou a actuación da Policía Local na fin de semana. Dende o corpo salientan o cumprimento por parte dos diferentes locais sen rexistrarse incidencias e salientando que na súa totalidade cumpriron coas medidas establecidas ante a COVID 19.
Por outra parte o sábado e o domingo pola mañá os policías municipais presentaron dúas propostas de sanción a dúas persoas ante a Consellería de Sanidade polo non uso da máscara.
En materia de tráfico os axentes da Policía Local deron o alto a un conductor, o venres á noite na Avenida de Portugal, por conducir de forma errática. Tras realizarlle o control de alcoholemia deu unha taxa positiva nunha segunda proba de 0,56 mg/l, polo que cursaron denuncia administrativa.
Na fin de semana e a petición do 112 a Policía Local tivo que realizar distintas intervencións.